القائمة الرئيسية

الصفحات

كلية الاقتصاد

#شرح_مفصل
#سؤال :اللي مجمع من ٢٠٠٠ل ٢١٥٠٠ بدمشق شو بتنصحو يسجل؟
أو١٩٠٠ ل ٢١٠٠ بغير محافظات
جوابي: كلية الاقتصاد إذا سجلتها وطلعتلك أعتبر حالك من المحظوظين🤩🤩😍
#سؤال : بس مو كل الدنيا مسجلة اقتصاد وفيها طلاب كتيرة ؟
جوابي :لا تنسوا اكتر من ربع الموظفين بالدولة هنن خريجين من كلية وحدة وهي الاقتصاد
ولا تنسوا انو نص المدراء والمعاونين
وكتير بيتعين وزراء ومعاونين الوزراء هنن خريجين من كلية الاقتصاد
ولا تنسوا اذا معكن شهادة بكلية الاقتصاد قبك تشتغل بأيا مؤسسة عامة او خاصة شو ماكان الهدف منها ربحية أو غير ربحية رأسمالية خاصة عامة مشتركة أي شيي بدهن اقتصاد أجباري
فيكن تعتبروا الاقتصاد عصب الشركات والمؤسسات والمديريات من دون اقتصاديين ومديرين ومحاسبين فأكيد المؤسسة أو الشركة رح تفشل
ولا تنسوا أنو الاقتصاد معروفة بسوريا أكتر كلية مجالاتها واسعة
لا تنسوا انو ايا مديرية او وزارة بدها تطلب موظفين حصرا لازم تطلب اكتر شي للاقتصاد فيكن تشوفوا طلبات التوظيف كيف كلها فيها اقتصاد وحقوق
هلأ بظن عرفتوا ليش فيها كتير طلاب💪
#سؤال:بس بعرف طلاب متخرجة ما عم تلاقي شغل
كيف عم تقول حلوة ومجالاتها واسعة؟
جوابي:هدول الأشخاص نفسهن إذا درسوا طب ما رح يلاقوا شغل بعد التخرج
أنا هالسنة تخرجت وصحلي شغل كتير بس ما اشتغلت لأنو ناوي ع الماجستير إنشالله💙
وهلأ ببلش حكي مختصر مفصل عن الكلية
كلية الاقتصاد فيكن تعتبروها الكلية المسيطرة😎
كتير منشوف فرص توظيف من وزارة الصحة او الخارجية او الدفاع او من مديرية التربية او مديرية..... بدهن خريجين اقتصاد أيا طلب توظيف لازم يطلبوا فيه حصراااااا خريجي الاقتصاد وغير الأفرع التانية متل ممكن يطلبوا هندسات ممكن لا ممكن علوم ممكن ما يطلبوا بس الاقتصااد لاازم يطلبوا مو بكيفهن هي والحقوق 😎😎نظرا للمهارة اللي اكتسبوها وفرعهن المميز
الشي حلو أنو الدكتور اللي بجيب معدل عالي وبيدرس 10 او 11 سنةهو ممكن يشتغل تحت أيدك في حال صرت مدير مشفى
وطبعا مافي مديرية او وزارة الا ما بكون فيها مدير ومحاسب ورؤساء شعب ومن هالحكي هادا كلو من الاقتصاد😎😎
كلية الاقتصاد من أشهر الكليات ومعروفة كتيير وأغلب اللي ما بحبو الهندسات بيدخلو كلية الأقتصاد وهي وفي اشخاص بيعتقدوا انو هي أفضل من كتير هندسات....
كلية الأقتصاد ع حسب دراستي الها تعتبر من الكليات النظرية مع علمية من دون عملي دراستها كتيييير سهلة يعني فيها مثلا انكليزي 1 وانكليزي 2 بالسنة الاولى واللغة العربية ولثقافة هدول كلهن معلومات من قديم يعني الشاطر بالتاسع برفعهن ...
ومافيها مواد عملية ابدااا يعني مافي داعي للحضور متل بعض الكليات حيث انو في كليات متل الكيميا والهندسات في عملي بدك تحضرو وفي مذاكرات كلو هادا مجبور بالحضور وفي عندك علامة حضور
يعني اذا سجلت اقتصاد فيك تشتغل من دون ما تحضر وكل اخر اسبوع او شهر تجيب المحاضرات اللي هنن عبارة عن شو بيحيكي الدكتور وبتدرسهن لحالك بالبيت...
يعني كلية الاقتصاد فيك ما تحضر بس بدو يكون عندك القدرة تفهم بعض المواد لحالها في عندك مثلا احصاء هي احتمالات ووسيط ومنوال و...
وفي عندك محاسبات هي بالتجارة بس كمان فيك تفهمهن لحالك بس بصعوبة...
اول المحاسن انو مافي داعي للحضور
وكمان في من المحاسن انو هي اكبر كلية على الاطلاق بمجالاتها يعني مجالاتها واسعة كتير حيث انك بكل شركة حصراا رح تلاقي من دراس كلية التجارة والاقتصاد
يعني مافي شركة الا مافيها مدير مافي شركة الا مافيها محاسب مافي شركة الا ما بدها موارد بشرية نافي شركة الا ما بدها مالييين والمصارف مسيطرة عليها كلية التجارة والاقتصاد بشكل شبه كلي والمؤسسات المالية وطبعا بتشوفو انتو الوظائف لخريجي كلية الاقتصاد...
من محاسنها انو اسئلتها كلها أتمتة ماعدا مادة نص بنص اما الباقي كلهن هيك لتختص
كمان رح تشوفو بكلية الاقتصاد ناس مجمعة بالعالي يعني ب 220 وداخلة اقتصاد لانو في كتير ناس ما بتحب الهندسات
وطبعا من أفضل المحاسن بهالكلية انو انا بدرس فيها😂😂😂😂😂😂 يعني اكييد رح سااعدكن فيها
المساوئ
انوتقريبا متلها متل أيا كلية مساوئها صارت يعني
اكتر كلية فيها عدد طلاب يعني طلابها متل النمل بحجة انو فروعها كتيرة ومجالاتها واسعة بس والله بتستاهل هالزحمة👍
الاختصاصات بالكلية دمشف : محاسبة _إدارة أعمال_مصارف_احصاء_اقتصاد
ببعض المحافظات في اختصاص تسويق وإدارة مشافي🤩🤩😍😍
#ملاحظة1 : فيك وقت تتخرج اذا كان اختصاص محاسبة تعمل تدريب سنتين وتصير محاسب قانوني هادا راتبو باليورو😨😨
واذا كنت خريج ادارة اعمال فيك تعمل دورات بمعاهد دولية بصير راتبك بلشهر 400 و500 الف
ونفس الشي مصارف والباقي
#ملاحظة2 فيك تدخل ماجستير وطبعا الماجستيرات بعد التخرج كتيرة يعني بحقلك تقدم ع شي 18 ماجستير اكاديمي وتأهيل وتخصص انت بس خلي معدلك عالي وبعد الماجستير كفي دكتوراه😍😍
#ملاحظة3 لا تتردد بدخول الاقتصاد أبدا💪
#ملاحظة4 في نقابة خاصة للاقتصاد وقت تتخرج بتنضم عليها متل نقابة المهمدسين والاطباء اسمها نقابة المهن المحاسبية يمكن
reaction: