القائمة الرئيسية

الصفحات

الصيدلة


#سنافر_الجامعات_السورية_2020
يسعد مساكم زملاءنا الحلوين😍
كيف الهمة للفرع 😌😎
الله يختار الخير للجميع💚 حنتعرف هلق سوا عن الصيدلة...
واختصاصاتها والمواد يلي بتتناولها بشكل عام...
طبعا بالبداية حنبلش بالتعريف عنها بشكل عام..
الصيدلة وحدة من اجمل واريح الفروع مقارنة مع غيرها 😍 طبعا هادا ما بيعني انها سهلة.. ودراستها سهلة.. على العكس..
بس نوعا تعتبر اسهل من غيرها من ناحية كم المواد وحجمهم..
المهم بلا طول سيرة...
من اكثر الجمل الشائعة المتعارف عليها بينا.....
ما بحب فوت عالصيدلة لاني ما بطيق الكيمياء والصيدلة كلها كيميا🐸 غلطان يا بيبي🤦🏻‍♀👀🌝💅🏻💃🏻💃🏻💃🏻 انا وحدة من الاشخاص ويلي حكوا نفس الجملة...
وطبعا مافتتتها عن رغبة...
فتتا لانو ما طلعلي بيتها بدمشق🤣💔مع ان معدلي كان 81.5 ...
جبتلكم مثال حالي لتعرفوا انو كلشي حاحكيلكم ياه مو من باب اني انا فتتها عن رغبة وطاير عقلي فيها لهيك عم حببكم فيها.. ابدا..
انا تعمقت فيها وفتت عليها وهيي كلها مو ببالي.. الصيدلة جد بتجنن...
انا ما ندمت ابدا اني فتها.. وحمدت الله يلي يسرلي الظروف يلي وصلتني لالها...
موادها وكلها تحسسك انك تعرف بكلشي.. وبنفس الوقت تدرس بكيفك..
القصة قصة تنظيم وقت صدقني.. الفرع جدا ممتع.. وموادو ممتعة... طبعا اكيد ما مننكر انو في مواد معتة.. بس بالمقابل في مواد تعرفك عالامراض واعراضها وتفاصيلها وكلشي.. فيها مواد تحبب اي شخص فيها..
شو ماكان نوعية المواد يلي تحبها حتلاقيها موجودة بالصيدلة... يلي بحب العلوم في مواد الها علاقة بالعلوم. ويلي بحب الرياضيات او الانكليزي او حتى الفيزيا... كلو جامعة لكل شي...
طبعا بتوسع بس🌝 المهم ما تاكل هم شو تحب ولايغيرك انو كل اسماء موادها كيميا كيميا لان جد ما دخل وانا عم قلك من قلب الحدث يعني🤪👀🐸🙋🏻‍♀ منجي لاختصاصاتها....
طبعا متل ما كلكم سمعتوا انو الاختصاص مو معدلو عالي هون وبس...
المشكلة انو بياخدوا مقاعد قليلة جدا💁🏻‍♀ لدرجة انو من كل محافظة بياخدوا شغلة 15 طالب🧚🏻‍♀ متخيل الموضوع؟ 🙋🏻‍♀ مو احباط ابدا🙅🏻‍♀ واقع...
على الرغم من تعدد مجالات وتخصصات الصيدلة بس هيي مظلومة ببلدنا جدا متلها متل اي فرع تاني... وهي الشغلة الوحيدة يلي بتميز البشري عنها...
المهم في الها اختصاصات مراقبة اغذية....
اختصاصات تركيب وتصنيع ادوية... اختصاصات بمواد الصيدلة. متل التحليلية التطبيقية والكيمياء الصيدلية... والسموم والطفيليات..
وكتير كتير لسا.. بكبسة زر عالغوغل يطلعلك كلشي بدك ياه...
بس رغم هيك في عندك بديل مثلا غير انك تفتح صيدلية.. فيك تشتغل مندوب علمي لشركة معينة.. وهي بتعتمد عتميزك بشغلك..
وبدها يكون الواحد خرج يتعامل مع العالم وشخصيتو قوية...
وعندو كاريزما وعلاقات اجتماعية... وهالامور يعني.. شغلتك بتكون كلها مع الدكاترة وبالمشافي والعيادات.. تعرض دوا معين عالدكتور وتحكيلو مواصفاتو....
وشغلتك تخلي هالدكتور يتبنى للدوا😂💔 يعني يعجبو وهيك بتكون نبت عن الشركة يلي انت مندوبا وخليت الدواء يتسوق وين ماكان باسلوبك..
وفي حالات ممكن تمر فيها عصيدليات يعني الموضوع اقرب للدعاية الاعلانية...
ومن خلالو ممكن توصل لتلقي محاضرات بين الطلبة. .او بشركتك ازا حبيت تبحث بمرض معين ووصلت لمعلومات جديدة وهالامور. وكلو بلا اختصاص..
وفيك تشتغل بشركة ادوية موظف طبعا هي واضحة مابدها شرح...
وطلعت ما مننسى نقلكم انو كل هدول بدن لغة وكومبيوتر..... وهكذا منكون حكينا عن الصيدلة بشكل مختصر ومفيد..
reaction: